الشاعر الغريب
عدد المساهمات : 23 تاريخ التسجيل : 09/06/2013
| موضوع: هوسات شعبانيه للولادات المباركه الإثنين يونيو 10, 2013 6:35 am | |
| اللهم صل على محمد وال محمد الطيبين الطاهرين
اللهم عجل لوليك الفرج
احبتي اقدم لكم هذه الهوسات الشعبانيه لكل الولادات المباركه
وغير مبرء للذمه قرائتها باطوار غير حسينيه واسالكم الدعاء
هوسات للحسين عليه السلام
!!!!!!!!!!
هلال احسين بين بالسمه ولاح
يشع كله جمال وعــــطره فواح
وهلت عالملك هاليله افـــــــــراح
فرحانه املاك الباري
ـــــــــــــــــــــــ
ميلاد الحُسين اصبح علامه
جي منه بزغ نور الكرامـــه
وصُبح منهاج وي رمز الامامه
بمنهاجه ثبت مذهبنه
ـــــــــــــــــــــ
حسين من النبي والنبي منّه
ينضح بالأبــــــا ويصب محنّه
واليمشي بطريقه اينول جنّه
والباري وصانه بحبه
ـــــــــــــــــ
نهني المصطفه وحامي الحميه
ونهني بالمحبه امه الزجيـــــه
ونجددله عهد هاي المسيـــــه
منعوفه دربك يالغالي
ـــــــــــــــــ
رغم اللي جره ورغم اللي بينه
بميلاد الحُســـــــين احنه التقينه
بالحب والموده الليله جينـــــــه
نحييهه بافراح الليله
ــــــــــــــــــ
هوسات للعباس عليه السلام
!!!!!!!!!!!!
بزغ نور الكمر باربعه بشعبان
وعيّد كل فلك والملك فرحــــان
وفرحت بالولاده الانس والجان
وانواره شعت بالكون
ـــــــــــــــــ
طر نور الفجر هاليله نبراس
ينادي بصوت اهلا بيك عباس
يابو الوفه والغيره والاحساس
ونوماسه ينضح بالغيره
ــــــــــــــــــــــــ
عباس الكمر يزهي بجماله
واصبح للوفه هو مثالــــــه
وقع بالصـــغر عهد الكفاله
والغيره وارثه من اهله
ــــــــــــــــــ
سبع الكنطره مضرب للامثال
عمره ماتكمط وابد منــــــشال
يخلي الموزمه ترتجف لو صال
وبسيفه يرعب عدوانه
ـــــــــــــــ
مثل المرتضه بصولاته عباس
يلوك السيف اله والدرع والطاس
مايوم الخضع لا دنــــــــج الراس
بالصوله يشبه والينه
ــــــــــــــــــــــ
هوسات للسجاد عليه السلام
!!!!
علي السجاد بالميـــــــلاد شع نور
ومن نوره تفوح وتزهي الاعطور
بميلاده الملك هاليله مســـــــرور
ومسروه عترة هادينه
ــــــــــــــــــــ
علي السجاد تاريخ الديانه
مثل المرتضه بطيبه وحنانه
جان ازهد بشر هو بزمانه
كل ليله ساجد ويصلي
ـــــــــــــــــــــ
من كثر السجود اتسمه سجاد
واسس للشرع بالعـــلم امجاد
نقراله شعر هليله وانشــــــاد
وانهنيهه للزهره الليله
ـــــــــــــــــــــــــــ
شبل حســـين ساجد كل حياته
ومن نهج الوصي ماخذ صفاته
ماشفنه بشر مثله بصلاتـــــــه
بميلاده شعت انواره
ــــــــــــــــــــ
مثل حســـــــين سجاد الامامه
حجه اعله البشر عنده زعامه
مثل ايات اقواله وكلامــــــــه
وانواره من نور الهادي
ـــــــــــــــــــــ
هوسات لعلي الاكبر عليه السلام
!!!!!!!!!!
ميلادك يالاكبر ضوه الاكوان
وجبريل الملك هليله فرحــان
غذوك بعلم زقوك بايمـــــــان
باسراره زقاك الوالي
ــــــــــــــــــــــ
علي الاكبر تشع من نوره ايات
ومن جده النبي ماخـــذ علامات
صاحب منزله وعنده كرامات
ومن حيدر اسمه وعنوانه
ـــــــــــــــــــــــــــ
مثل المطصفه وجهه وجماله
صوره من الاصل وارث خصاله
فصاحه ومرجله تزهي بكماله
باوصافه يشبه هادينه
ـــــــــــــــــــ
علي الاكبر شبيه النبي المختار
وبالصولات يشـــــــبه جده كرار
شبل من الاسد والشبل مـــــغوار
بصولاته جنه الكرار
ـــــــــــــــــــــ
نورك ياعلي مثــــــل البدر بان
وبجيتك فرح هاليله شـــــــعبان
الك صار الدرع والسيف عنوان
بميلاده نور دنيتنه
ــــــــــــــــــــــــ
هوسات للمنتظر عجل الله فرجه الشريف
!!!!!!!!!!
بيوم 15شعـــــــــبان ايه
ارتفعت للعقيده بيهه رايه
بهاليله انولد رمز الهدايه
وفرحانه عترة هادينه
ـــــــــــــــــــــ
بميلادك يمهدي زرعو امال
بيك الهادي يامه اتحدث وكال
انت سيدي اتغير هالاحـــــوال
وراياته معقوده ابيدك
ــــــــــــــــــ
نورك لاح من نور الجلاله
وانت اللي تزيح اهل الظلاله
وبسيفك يمـــــــهدينه العداله
بالغيره تاخذ ثاراتك
ــــــــــــــــــــــ
عقدنالك عهد بالدم ختــــمناه
الماترضون بيه نقسم منرضاه
ويه حسين باخر نفـــــس وياه
منصوره رايتنه باسمه
ـــــــــــــــــــــ
باسمك يبو صالح كل شعرنه
ومن صبرك يمولانه صبرنه
فدوه يروح من اجلك عمرنه
نفديهه راية مهدينه
ـــــــــــــــــــــــ
| |
|
فداك يحسين
عدد المساهمات : 6668 تاريخ التسجيل : 06/10/2010 الموقع : على باب الزهراء عليها السلام
| موضوع: رد: هوسات شعبانيه للولادات المباركه الإثنين يونيو 10, 2013 7:43 pm | |
| رااائع جدا بارك الله بكم وجعلكم من خدام الحسين المخلصين يارب | |
|
الشاعر الغريب
عدد المساهمات : 23 تاريخ التسجيل : 09/06/2013
| موضوع: رد: هوسات شعبانيه للولادات المباركه الثلاثاء يونيو 11, 2013 5:57 pm | |
| اسال الله تعالى ان يستجيب دعوتك
شكرا على المرور والدعاء | |
|