بسمه تعالى
سلام عليكم
--
--
المستهل
--
يحسين الابو هيبه -- فگده اكبر امصيبه
گوم واحچي وياه -- بلچن يفك عيناه
فگده اكبر امصيبه
------------
يالحسن يحسين خويه صاحت الحره الحزينه
گوموا يم راسه لبوكم بلچي يگعد يفك عينه
لو سمع منكم يخوتي ويمكم آنه ايحن علينه
يحسين خويه كلمّه -- من شيبته مسحه الدمه
اعزيز انته خويه الفاطمه -- گله بويه اشلون بينه
جرحه ابعينك اتشوفه -- وجهه الوانه مخطوفه
آه والف ويلاه -- بلچن يفك عيناه
فكده اكبر امصيبه
--
زينب بحسرة گلبها ابذاك دمع اليصب منها
ابذيچ لوعتها أعله امها اتلاهبت جمرة حزنها
اتعين اليوم ابوها تدري راح ايروح عنها
لاروح بينه من شافته -- والدمه بعده ابشيبته
يابويه صرخت نادته -- ادموعي لعيوني عمنها
بويه كوم شاهدنه -- غيرك والي ماعدنه
كون اگعد وانعاه -- بلچن يفك عيناه
فكده اكبر امصيبه
--
شكثر رادت من ابوها زينب ايعاين عليها
ساعه من عينه تقبله اتحظنه وتسمعه بجيها
ساعه تحظن راس ابوها على خده اتخلي اديها
يابويه ارحم دمعتي -- يابويه حن الحالتي
تدري يتيمه اويه اخوتي واليتيمه ياهو ليها
شلون اصبر على اغيابك -- ريت ابهامتي اصوابك
صعبه الابو انساه بلچن يفك عيناه
فكده اكبر امصيبه
--
ياعلي اتباري اليتامه اعيونك وانته املها
چم يتيم انگطع ظنه وهاليتامه ياهو الها
والارامل يبو حسين الكل مشاكلها تحلها
كل مشكله انته التحل -- والعيش بوجودك سهل
ياعلي لا لا ترتحل -- اشيجمع اخلافك شملها
لاترحل يحاميها -- بعدك منو ايباريها
ومنهو الخالي يرعاه -- بلجن يفك عيناه
فكده اكبر امصيبه
-- سيد عدنان الحمامي
الأربعاء فبراير 21, 2024 7:50 pm من طرف كبش الكتيبه#
موضوع: ----- كعده لوفاة الامام علي ع ---- طريقة سهم النايبه بعيني 
