بسمه تعالى
سلام عليكم سيدنه
موشح نزاة عزه لوفاة الامام الجواد ع
--
--
-
عالجواد امست حزينه فاطمه
غدرته اچفوف الئيمه الآثمه
واويلاه -- واويلاه
--
عالجواد الناعي بحزانه نعه
چبدته بسم الئام امكطعه
وشيعته الليه ابدمعها اتودعه
وعالعباد أحزان فگده أمخيمه
واويلاه-- واويلاه
--
أچبود للزهره تگطعت مو چبد
والسيوف أخذت أرگاب اهل المجد
لجل هذا الدين ولله ينعبد
قدموا قربان للباري الدمه
واويلاه -- واويلاه
--
قدموا هالتضحيات اهل الرشاد
حاربوا اهل الفتن واهل الفساد
وعّمت النعمه ابفضلهم عالعباد
وحصّل الاسلام هاي الغانمه
واويلاه -- واويلاه
--
خلدوا للناس كثره امن العبر
او درس صار اتطالعه كل البشر
لو چبد مگطوع لو گطع النحر
حتى لليرضع ضحيه اتقدمه
واويلاه -- واويلاه
--
ضدهم اتحالفوا ناس اهل الطمع
بني أميه وبني العباس ابخدع
لا لزمهم دين لا عدهم ورع
عالقتل سفاحه كلها امعلمه
واويلاه -- واويلاه
--
گطعوا أشرف چبد بالسم غدر
للجواد انختم بالسم هالعمر
والمحمد شنهو لوقدموا عذر
ناس لاذمه او ضمير او مجرمه
واويلاه -- واويلاه
--
سيد عدنان الحمامي
الأربعاء فبراير 21, 2024 7:50 pm من طرف كبش الكتيبه#
موضوع: موشح -- لوفاة الجواد ع -- نزاة عزه -- 
