أفضل 10 أعضاء في هذا المنتدى | |
| | هوسات مع مقطوعه,,,,,,,,,,,,,,, | |
| | كاتب الموضوع | رسالة |
---|
كريم الحاج فليح
عدد المساهمات : 54 تاريخ التسجيل : 24/01/2009
| موضوع: هوسات مع مقطوعه,,,,,,,,,,,,,,, السبت ديسمبر 05, 2009 4:17 pm | |
| هوسات
بـﮕلبي وعيني وبروحي وكل أعضاي البجسمي
لجيلج يا علي مبايع كاتب بيعتي بدمي
عشـﮕتك يا علي حبك رضعته من حليب أمي
بدم شرياني كاتب عهدي ويالكرار
عهد عندي لبو الكلفات لجدد كل سنه البيعه
واسمي مسجله عنده ويَ خواني الشيعه
لمشي بكل قوانينه واسير بنهج تشريعه
الماشي بنهجه دوم مسلح بالأيمان
حي ميت انا معاهد على البيعه يبو الحسنين
والشاهد علي ربي ما شك بيك طرفة عين
بأمر الباري متنصب علي يا كامل التكون
وكل زينه ملتمه بحيدر
اجيتك ياعلي مبايع وانت ألاعرف بحالي
الك بس يا علي ولهلك خادم انه وموالي
وذله الغيرك البيعه لدوس اعليهه بنعالي
شلون نبايع غيرك وانت منصبك رب الكون
أخذوني العلي حيدر يهلي لو اجاني الموت
سبع مرات عالشباﭺ طفوا بالله بالتابوت
صك عنده الي موقعه اريد استلمه ﮔبل الفوت
بيوم المحشر كلمن شايل صكه يفوز
أذا ما بيدك الـ( ok)صك موقع موختوم
من حيدر علي الكرار دنيه وآخره مالوم
واذا ما تعشـﮕـه وتهوى ما تنفع صلاة وصوم
الصك ما ينفع أله موقع حيدر بي
مو كل سيف من يهوى صوابه يعادل الثقلين
وموكل فارس أمنيغير يـﮕلب عالعده الصوبين
حيدر سيف المجرب فارسه أبدر وحنين
السيف الوازن مرحب عنه يسولف هالتاريخ
علي أسمك فخر النه علي أسمك فخر للدين
علي صهر وأخو الهادي علي يا والد الحسنين
علي يمشبع الجوعان علي يالمطعم المسكين
علي الفارس علي المغوار عليّ يالضارب بسيفين
علي يمنـَﭽل الكفار علي يالطاعن برمحين
علي يمثبت الأسلام تشهدلك بدر وحنين
مرعوبـه من سيفـه عدانـــه
من تذكر أسم حيدر أنه أعرف شني أحساسك
أشوف الفرحه بعيونك أشم الطيب بنفاسك
أشوف الغيره بيك تفوح لأن الغيره أهي ساسك
وأشوفك ما تدنك الهام حب حيدر رفع راسك
حب حيدر اصبح كل ساسي
صيامـه لا يفيـده ولا صـلاتـــه
الما تقـوه بعلي حيدر صـلاتـــه
علي المعروف بالحومه صـلاتـــه
ويـذل نفســه لجل رب البريـــه
شيعه وحب علي مفصــل علينــه
نموت ونصرخ بأسمــــك علينــه
يامن للسمه بحبــــــــــــك علينــه
وبسمك يا علـي وصلنه الثريه
مقطوعه
الناس مختلفــه العقــائـــد
كلمن بدين وعقيــــده
ذاك يتبع من يضـره
وذاك يتبع من يفيده
ذاك ضد حيدر يصير
وذاك يفديه أبوريده
ذاك أخلاقه رديـــه
وذاك أخلاقه حميـده
بنادم بعقله خلاصـــه
يتخذ درب اليريده
هيـه لو جَنّت نعيــم
لو لظه ونار الشديده
يعنـي لو سفيان وأله
وكل شياطينه المريده
لو أطب جَنّه أبكرامــه
بس شرط حب الصميـده | |
| | | رياض
عدد المساهمات : 270 تاريخ التسجيل : 07/09/2009
| موضوع: رد: هوسات مع مقطوعه,,,,,,,,,,,,,,, الإثنين ديسمبر 07, 2009 1:30 am | |
| با ركك الله وسدد خطا ك وجعلك الله ممن تشملهم شفاعة علي يوم المحشر ومشكور على هذه الهوسات الرائعه ونطلب منك المزيد في عاشوراء | |
| | | خادم الحسين
عدد المساهمات : 2713 تاريخ التسجيل : 25/11/2010 العمر : 25
| موضوع: رد: هوسات مع مقطوعه,,,,,,,,,,,,,,, الإثنين أبريل 25, 2011 12:25 pm | |
| يعطيك ربي الف الف العافية
| |
| | | | هوسات مع مقطوعه,,,,,,,,,,,,,,, | |
|
مواضيع مماثلة | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |