يـوم مـأسـاة وحـــزن
[size=12]كريم الحاج فليح
نسألكم الدعاء
اليوم مأساة وألم * اليوم يوم أحزانه
اليوم توديع العِّلم * ويّ دفن سَجادنه
اليوم يوم النايبه ويوم العزاء
ـــــــــــــــــــــ
اليوم لو نجري الدموع أدموم ما نوفي الك
سيـدي السجـاد والله وبـالـدمـوع أنغسلــك
يا أبن مـن دار لجلـه الـكون وأنـدارالفلــك
يا بحـر لعلـوم أنــت ونرتـوي مـن منهـلك
يالخلصـت العمـر كلــــه * بالسجـود وبالركـوع
شلون نوحي إعليك إمله * وعني أتكـف الدموع
اليوم تبﭼـي عليك أملاك السماء
ـــــــــــــــــــــ
نندبك صبح ومسيه يا أمامي بكل وكـت
والمصابك يا ولينه تجري لدموع وتكت
نصرخ بصوت الظليمه نصيح يالمهدي شوكت
تظهر براية محمد مثل صبرك ما شفـت
يمته يبن المصطفى * يمته يصدرلك لامر
يمته يبن المرتضى * والله ملينه الصبــــر
تظهر النـه وبيدك يـرف اللـواء
ـــــــــــــــــــــ
واجـب علينـه يشيعه نعـزي أمـه فـاطمـه
ونجري وَيِّاها الدموع بهالفجيعـه المؤلمه
ﭼني اشوفنها تنوح وتجري دمعتهـا دمـه
ﭼني الهه اسمع انين وبَـﭼَت أملاك السمه
تـﮕله يا ريحة هلي * أﮔـعد وحاﭼينـــي
بيدك أمسح عَلـــي * دمعتـــي لبعينـــي
يا عميـد الصبر إنت بكربـلاء
ـــــــــــــــــــــ
يالحضرت مصاب أبوك ولوعته بطف كربلـه
ويالشفـت ﭼبـده التطــره ويلـــي نبلــة حرملـه
ويـالخـذوك مكبـل أبنــي وبـرﮔبتــك سلسلــــه
يالـرحـت للشـام مـرغـم ويلـي ويـــه الـعايلـه
يالي عفته بمصرعـه * حسين محزوز الوريد
وبرﮔبتــك جـامعــــه *طَـوّكـوْهــا بالحـديــد
وجيدك إمنسياطهم يجري دمـاء
ـــــــــــــــــــــ
شلون يبني دفنت ابوك إشلون نزلته الـﮕبــر
يساعد الله يبني ﮔلبك علـى كــل ذاك الصبـر
شفت ابوك شلون شفته يبني مرضوض الصدر
شلـون ضَمَدت الجراح البالجَسـد يبن الطهـر
شلون ضمدت الجراح * يبني يا زين العبــــاد
وسمعــت ويَ النيـــاح *تبـﭼـي الك سبع الشداد
ويبـﭼـي عرش الله وبـﭼتلك لأنبياء[/size]</I>