بين الالم والحسره ---- كضه السجاد عمره
رابع العتره الاطهار--- ياصبريشبه صبره
ا
السجاد ابن الزهره وابن المختار----- شاف شكثر لوعات من الاشرار
ثابت وصابر على الزمان الغدار---- متيقن وصابر بحكم الجبار
صبرحيدر جده ----- بالفضل صارت عنده
ماجزع من الاحزان---- للباري سلم امره
--------------------------------------------------------------------
امرض جسمه وصدع كلبه البين------ وشاهد مصيبة كربلا شوف العين
يلوعته من نظر لبوه احسين------- من حاطته اصفوف ال اميه الصوبين
وسهم المثلث صابه ---- ويلوج من اصوابه
وشكال من شاف الشمر---- بالحومه يذبح نحره
---------------------------------------------------------------------------
وتعنه وي سبي الضعن للكوفه ---- وشاهد العيله اميسره ومجتوفه
من السوط ومن الكيد مدمي ا تشوفه ---- والناس تتفرج عليه ملهوفه
طب القصر ابن زياد---- مجتوف زين العباد
حير جميع الاوغاد---- من فضح كل الاحقاد
---------------------------------------------------------------------------
زين العباد شاف جم لوعه وحزن من الدهر ----- فاق صبر ايوب بالمحنه وصبر
درس للاجيال وعبره وموعضه ----- صابر لحكم الجليل ابكل رضه
مانكول ابيسر مجتوف وذليل -- هذا ابن بيت الذي مطهره الجليل
ماسكت على الظيم ابن حامي الدخيل ---- حاشه يسكت وعمه راعي المرجله
---------------------------------------------------------------------------------------
من صعد على المنبر امجلس يزيد --- ذكره بالمصطفى ويوم الوعيد
بكل شجاعه كلب وموقف حديد --- اوموقف الناس التضدهم غيره
ضاكت الوسعه عل الطاغي يزيد ----- بالغزي والعارللشرده يريد
والمدامع هليت على امصابه -- وغدت تلطم شيعته اعلى امصابه
---------------------------------------------------------------------------
ومن بعد فكد الابو وكل ماجره ----- عاش وي حكم ال اميه الغادره
وبظلم حكام عدهم جائره ----غاب ضيه وجبدته مسمومه
ياسراج الماطفت انواره ---تشهد الدنيه ابفضل اثاره
وسفه ضلت دار ابن حامي الحمه ----مثل هاي الليله وحشه ومظلمه
ونسالكم الدعاء رياض المالكي
الأربعاء فبراير 21, 2024 7:50 pm من طرف كبش الكتيبه#
موضوع: احزان السجاد 
