دنياي بس هموم -- من بعدك يمسموم
اه يا الحسن ياخوي --- غدرتك الكوم
********************************************
كام احسين لخته ايصيح يازينب د كوميلي
اهيس نار بظلوعي يزينب ها تسنديني
بعد ماتحمل الرجلين وعل الممشا تعينيني
اخوي او راح من ايدي يزينب وشبكه عندي
بس اهموم خلالي وظيم الأ حمله ابصدري
من سمه ابن سفيان --- اه ياعلي يابويه
من بعده أظل حيران --- اه ياعلي يابويه
ودنياي بس اهموم ---- من بعدك يمسموم
***************************************
يزينب شوفي حاله اشلون يزينب ها تخبريني
الجبده يا دوه الينفع يازينب توصفيلي
اخوك البلطشت جبده بعد ماظن دوه اليبره
يخويه احسين من عدنه الحسن راح او خلص عمره
يخويه أوألطم اعلى الراس يخويه وأندب الزهره
يخويه أوخل علي يحضر يخويه أويكعد ابكتره
من جبده المثلوم --- اه ياعلي يابويه
زيدلي كلبي اهموم --- اه ياعلي يابويه
ودنياي بس اهموم -- من بعدك يمسموم
******************************************
كعد يم الحسن لحسين أوحط راسه على صدره
يكله من بعد عيناك يخويه الكلب شيصبره
فتح عينه الحسن لحسين أونزل راسه منصدره
ويكله راسك المذبوح بألطف ياهو ليحضره
أريدنك يخو زينب وصيتي القاسم اتحفظه
وريدن كبري يم جدك يخويه أتحفره وطمه
نعشه أنرمه بسهام --- اه ياعلي يابويه
ومنعته الظلام -- اه ياعلي يابويه
ودنياي بس اهموم -- من بعدك يمسموم
*******************************
الحسن مهد رسالة كربلا لحسين
ونطاهه درس ما يخفه عن العين
للظالم أبد مانرضخ أولالين
أو لانرضى بظلم كافر يمس الدين
أو نوفي المصطفى وي عترته الطيبين
ألضحو بالنفس والمال لجل الدين
ماننسه الاسلام--- اه ياعلي يابويه
اولانرضى بالظلام--- اه ياعلي يابويه
ودنياي بس اهموم --- من بعدك يمسموم
ونسألكم الدعاء
رياض المالكي