اللهم صل على محمد وال محمد الطيبين الطاهرين
غير مبرء للذمه قراءة هذه القصيده باطوار غير حسينيه
واسالكم الدعاء
سبع الكنطره ** هيبه ومفخره
ياسيف الامامه ** ياغيره وشهامه
جنك حيدره ** سبع الكنطره
************
بزغ نور الكمر باربعه بشعبان
وشعت كل سمانه بكمر عدنان
طلع نور وجمال بصورته بان
وحيدر مبتهج هاليوم فرحان
فرحانه المله ** نادت ياهله
صوره مصوره ** سبع الكنطره
************
طشت بالسمه افراح وسعاده
تهني ام البنـــــين بهالولاده
سيفه والدرع صــارن وساده
والمجروح من حبه ضمــــاده
زوده والشيم ** منبع للقيم
فضلك نذكره ** سبع الكنطره
************
سماه الوصي ياشيعه عباس
عمره ماخضع مادنج الراس
بالغيره الكمر والهمه ينقاس
لجل المعتقد ضحه بالانفاس
مثل المرتضه ** يحمل موعظه
وبدمي سره ** سبع الكنطره
*************
مامره تكمط وابد منشال
سبع اسنين عمره بهمة ابطال
شبيه المرتضه بالسيف لو صال
مدري الخيل تلبد مدري الارجال
مرفوع العلم ** ساريته الهمم
نورك جوهره ** سبع الكنطره
***********
ينكط غيره واحساس وشهامه
زوده والفضل صارن علامه
صاحب منزله وعنده كرامه
مامره ابد خالف امامه
غيره ومرجله ** تشهد كربله
ماهمه الجره ** سبع الكنطره
**********
نهني ام البنين وحامي الجار
ونقدم تهئنه بالحب للاطهار
نقره للكمر هاليــــــله اشعار
ونظل طول العمر للعتره انصار
كل احنه فده ** منهاب العده
حبي مصدره ** سبع الكنطره
************