الشاعر الغريب
عدد المساهمات : 23 تاريخ التسجيل : 09/06/2013
| موضوع: قصيدة ميلاديه للولادات الميمونه الإثنين يونيو 10, 2013 6:33 am | |
| اللهم صل على محمد وال محمد
هذه القصيده الميلاديه نوع جديد لان كل نص ينتهي بهوسه
ثم نرجع للمستهل وفيها جميع الولادات الميمونه
وغير مبرء للذمه قرائتها باطوار غير حسينيه
واسالكم الدعاء
هلت على الامه انوار شعبان * فرحت كل سمانه وضوت اكون
نورك ياحُسين ** وزين العابدين
وشبيه المصطفه وي كمر عدنان
*********
شع وسط السمه والكون نبراس
وفتح كل غصن والورد والياس
فرحان الملك هاليوم والناس
بيملاد الحُسين وبعده عباس
وسيد الساجدين ** علي ابن الحُسين
وبثاني عشر يكمل البنيان
مضمونه جنتنه بحبهم
هلت على الامه انوار شعبان * فرحت كل سمانه وضوت اكون
**********
حسين ابن النبي نهج الكرامه
من صلبه بزغ فجر الامامه
وبدربه البشر تلكه السلامه
يحضر للمُحب يوم القيامه
وتفوز البشر ** لو يمهم حضر
للمنهج طريقه صار عنوان
وخطيته اسمك بعيوني
هلت على الامه انوار شعبان * فرحت كل سمانه وضوت اكون
************
عباس الكمر يصعب نوصفه
من حيدر كمر عدنان صنفه
شهم مغوار والوالي يعرفه
بأول يوم بالواجب يكلفه
كافل للضعن ** ميهاب المحن
يدري لو غضب ينكلب بركان
ايسمونه كرار الثاني
هلت على الامه انوار شعبان * فرحت كل سمانه وضوت اكون
************
زين العابدين اشرف الزُهاد
من كثرت سجوده اتسمه سجاد
تصده بالعزيمه لهل الاحقاد
شيد بالعلم للمذهب امجاد
نوره من النبي ** وضح مذهبي
اصبحله الفخر والعصمه تيجان
كل يومه ساجد للباري
هلت على الامه انوار شعبان * فرحت كل سمانه وضوت اكون
************
علي الاكبر يشع نوره وجماله
شبيه المصفه وارث خصاله
بكلشي يشبهه حتى بخياله
وبالغيره صُبح عمّه مثاله
مغوار واسد ** مايخضع ابد
لو طب الحرب يرجف الميدان
بصولاته جنه العباس
هلت على الامه انوار شعبان * فرحت كل سمانه وضوت اكون
*************
بيوم 15 شعت الانـــــــوار
ميلاد الولي اخر الاطــــــهار
غايب عالبشر متشوفه الانظار
وبسيف العداله ياخــــــذ الثار
مهدي هالاُمم ** يمحيهه الظُلم
يجدد بالعداله كل الايمان
ويساويهه للدنيه بعدله
هلت على الامه انوار شعبان * فرحت كل سمانه وضوت اكون
************
نقسم بالنبي واله الميامين
مانخضع ابد فديوم ونلين
نبقه بهالدرب للدوم ماشــين
ونصبح للعقيده احنه القرابين
منهاب العده ** للمذهب فده
لجل حسين نصبح كلنه قربان
ايفجرونه ونرد انكوم
هلت على الامه انوار شعبان * فرحت كل سمانه وضوت اكون *********** | |
|
فداك يحسين
عدد المساهمات : 6668 تاريخ التسجيل : 06/10/2010 الموقع : على باب الزهراء عليها السلام
| موضوع: رد: قصيدة ميلاديه للولادات الميمونه الإثنين يونيو 10, 2013 7:55 pm | |
| إن شاء الله نسمعها بأطوار حسينية لصوت أحد الرواديد موفقين لكل خير ياارب جزيتم خيرا أخي الكريم | |
|
الشاعر الغريب
عدد المساهمات : 23 تاريخ التسجيل : 09/06/2013
| موضوع: رد: قصيدة ميلاديه للولادات الميمونه الثلاثاء يونيو 11, 2013 5:59 pm | |
| اشكرك على كثرة المرور
بارك الله بك | |
|