بسمه تعالى
سلام عليكم
--
--
لوغفت للموت يهلي اعيوني -- يم علي بجنازتي اتودوني
واويلاه -- واويلاه
--
يهلي اوصيكم احفضو اوصيتي -- خاف باچر من اودع دنيتي
شيعوني لو حملتوا اجنازتي -- للنجف والحيدر اتزوروني
واولاه -- واويلاه
--
بالضريح وطوفو بيّه ياهلي -- ثلث مرات اعله شباچ الولي
وخلي المشيع ينادي ياعلي -- هذا ضيفك يمه گال اخذوني
وايولاه -- واويلاه
--
هذا ضيفك ياعلي ونته الكريم -- لحد يمك راد برحابك يقيم
وحگ نوح وآدم ومسى الكليم -- علي يحضر لمن اتنزلوني
واويلاه -- واويلاه
--
ابلحدي يحضر حيدر وامسي بامان -- وعندي صك اولايته بيدي ضمان
اشلون اخاف وينعگد مني اللسان -- وآنه يم حيدر علي اتدفنوني
واويلاه -- واويلاه
--
ما أخاف ابوحشه لو ظلمة گبر -- ويمي تحظر فاطمه الزهره الطهر
لأن تدري خادم اگضيت العمر -- وخادم الزهره الي ايسموني
واويلاه -- واويلاه
--
خادم الها وخادم حسين وحسن -- وخادم الام المصايب والمحن
اگضيتها ابخدمتهم اسنين المظن -- اشلون وآنه ابگبري ميحضروني
واويلاه -- واويلاه
--
سيد عدنان الحمامي
الأربعاء فبراير 21, 2024 7:50 pm من طرف كبش الكتيبه#
موضوع: موشح نزلة عزه ---- 
