[size=21]يـا مَدلول ﮔلبي إنمُــرد
كريم الحاج فليح
ونسإلكم الدعاء
دللــول يمـه الـولــــد يا مدلول ﮔلبي إِنمُـرد
ـــــــــــــــــــــــــــ
دللـولـول الولــد يبنـي يهـالمـدلــول
عسى كونه عـدوك حرمـله مشلول
شلون إﮔدر أشوفـك يالولـد مـﭽتـول
مدري شلون فرهدني وخذاك البين
ــــــــــــــــــــــــ
فـرهدني وخـذاك البين يوليـــدي
ريت الموت يبني إحا يصح بيــدي
ولو بيدي فديتك يمـه بوريــــدي
ولا إﮔضي العمر نوح وتصب العين
ــــــــــــــــــــــــ
تصب العين يبني وما إبطل النوح
علـيـك الليل ما نـامـه يبعـد الـروح
إتــذكـر نبلتـــك والنحــر مـذبـــوح
إصيـح منين إجتني هالمصيبه منيـن
ــــــــــــــــــــــــ
مدري منين أجاني يمه بين الشوم
خذاك ورَد أخذ ياضنوتي المظلـوم
وطـَيَّر من جفوني يالذبيح النــوم
وما ترضه الدموع تفارﮒ الخـديـن
ــــــــــــــــــــــ
علـى الخـدين ما بطـل دمـع لجلــك
لـيـل إنهـار إضل إمـﮔابلــه مهــدك
ريـت ويـاك يبني إتوســد بلحـــدك
وإفرشلك جفوفي والغطه الجفــــون
ــــــــــــــــــــــ
يـﮔلب حسين أنتَ ومهجته وروحه
أشوفنكم جثث عالغبره مطروحـــه
عليكم ﮔلبي ما بَطـَل إبــد نــوحـه
صارت سلوتي يالغالي بـس لونيـن
ـــــــــــــــــــ
إتسلّه بونيني ونوحي وآلامــــي
كل ما إذكرك رَديت إلـي دامــــي
رحت عالماي يبني ورجعت ضامي
مثل طير إنذبح جابك إليه حسين [/size]