لوعة السجاد ع

علي السجاد كلي اشصار وجره
اهيس نار تحت الظلع وجره
صدك صار بخيمكم نار وجره
وصدك زينب دمه سال وجره

وصدك تعاين لزينب من غدت عل التل تنادي
بيا كتر من ظهر مهرك طحت ياسلوة فؤادي
وهجمت العسكرعليه ودارت اعليه الاعادي
وصدك ابعينك شفته وسلبوا العسكر حللها
وصدك ابعينك شفته زينب اتحشم باهلها ودموعه عالخد تهلها
ساسولف من اجيت ابوي دفانه
شفت جثته بالدموم غركانه
بليا راس عالتربان عريانه
ودم نحره يويلي يابس اعليه

حرت وتحيرت اشلون اشيله
يويلي امكطعه كلها مفاصيله
ودم النحر مابطل مسابيله
شلون الجثته العاري اواريه

سالوا بني اسد الجثت المذبوح شافوها
ومن الكاع هل كدرو يحركوها
مو عنها اتباعدوا كاموا ينظروها
مثل السيل دمه من النحر جاري

اسالوهم لمن رادوا الجثته يشيلوها
كلتلهم يهل الوادم تخلوهه
اسهام بالكلب بله تطلعوها
ثلاث الاف نبله امزكشه اعليه

صحت يمك يبويه والدمع يجري

ريت السهم صابك صابني ابنحري
شلون اصبر على افراكك بعد عمري
يبعد الروح يلمحروم جاريها

شكرا اخي العزيز على هذه الكامات الطيبه النابعه من طيبتك اخي العزيز انا لست بشاعر ولكن تجول في فكري كلمات فاحاول كتابتها (تصفيط كلمات) وانت تقول عنها جيده هل اصبحت شاعر وانا لااعرف نفسي هل فعلا انها كلمات طيبه ام مجامله وهل استمر بالكتابه ام انقطع انصحونا جزاكم الله خير الجزاء

أبيات جميله ماشاء الله