عذبني درب الشام -هم -وحزن -ولام
مسبيه خذوني -وبغربه ابعدوني -وبسوط اضربوني-وبوليت الظلام عذبني درب الشام
********************************************
بعد ماحركوا اخيامك يبو اليمه
سبونه ولليسر محد وكف يمنه
صغار كبار تصرخ كلهه ياعمه
اهالينه كضت ياهو اليظل يمنه
مسبيه خذوهم-ولاواحد رحمهم -محد بقه عدهم -وبوليت الظلام عذبني درب الشام
*******************************************
يخويه وبس عليل اوياي الكيد امكطع امتونه
يخويه اوراسك اعله الزان البيت ايزيد يردونه
يخويه منصرخ اه يحسين وبسياط ويضربونه
وادم لاشرف لادين لامذهب يعرفونه
سبوني وبس عليل وياي -ومارحموا دمع عيناي -ولاناصر البقه وياي -وبوليت الظلام عذبني درب الشام
*****************************************************
يخويه وراسك اعله الزان يخويه ايرتل القرأن
يخويه ونور البوجهك يخويه وحير الرهبان
يخويه وأنظر الحالي يخويه وأنظر الوليان
سبونه وعل الهزل نحدي وحادينه ابن مرجان
مسبيه خذوني -وبغربه ابعدوني -وبسوط اضربوني -وبوليت الظلام عذبني درب الشام
*******************************************************
وبمجلس يزيد الطاغيه اذكرتك
من شفت العصا تضرب على شفتك
وبوجه الكفر وكفيت انه اخيتك
ماذليت ابد وفضحت الي ضدك
وراويته المنيه -انه الهاشميه -وسألهم عليه-وبوليت الظلام عذبني درب الشام
*********************************************
بعد ماريدن اشكيلك يخويه اشكي عباسي
وكله الشمر بيده السوط يخويه وكطع انفاسي
وذكرنك يبو فاضل اذكرك ماأظن ناسي
انت الي جبتني وياك ونته الي اكفلت راسي
مسبيه خذوني -وبغربه ابعدوني وبسوط اضربوني -وبوليت الظلام عذبني درب الشام
ونسألكم الدعاء
رياض المالكي