| قصيدتين من قصائد الليالي الفاطمية | |
|
+4روح لك فدا ياحسين الورده المهدويه.. محبة الزهراء Admin 8 مشترك |
كاتب الموضوع | رسالة |
---|
Admin Admin
عدد المساهمات : 850 تاريخ التسجيل : 02/04/2008 العمر : 31
| موضوع: قصيدتين من قصائد الليالي الفاطمية الأحد يوليو 13, 2008 11:37 pm | |
| هنا قصيدتين من القصائد التي قرأها الرادود الحسيني خادم اهل البيت السيد محمد باقر العلوي في الليالي الفاطمية
دفعوا باب الدار بويـه
وبصدري البسمار بويه ِِ ما ننسى لوعة فاطمِة ونستعرض مصيبتها
هاي الجليلة الطاهره تفت الصخر حالتها
يم قبر والدها اعتنت تجري وتهل دمعتها
ع القبر وقفت بالحزن تنثر هضم لوعتها
صاحت يالمختار بويه
عقبك تدري شصار بويه؟؟
أشكوا بقلبٍ والهٍ حزيني
بـــأي ذنـــبٍ اســـقـــطـــوا جـــنـــيـــنـــي؟؟
بالعتره وصيت امتك شغير مسار الامه؟؟
لا عهد حفظت لا ذمم وين العهد والذمه؟؟
خالفوا نهج وصيتك صبوا علينا النقمه
بس ما غبت يالمصطفى تهيجت نار الصدمه
حاطتني الاخطار بويه
تولوني الاشرار بويه
من ظالمٍ وماردٍ لعيني
بـــأي ذنـــبٍ اســـقـــطـــوا جـــنـــيـــنـــي؟؟
ع الدار هجموا واللهب يتصاعد ويتوجر
دفعوا الباب بلا رحم والضلع مني اتكسر
محتاره لوين اتجه؟؟ فكري انذهل واتحير !!
ايدي على ضلعي وصرخت يابويه ريتك تحضر
شتشوف الانظار بويه؟؟
شافت بس النار بويه
و أي خطبٍ بات يعتريني
بـــأي ذنـــبٍ اســـقـــطـــوا جـــنـــيـــنـــي؟؟
باب الرساله اتسجرت ونار الحزن تتلظه
اول هضم كسر الضلع والطاغي لمن رضه
مغشيه طحت على الارض ما بي قومه ونهضه
لمن شفت محسن وقع بصوتي صحت يا فضه
مدهوشه الافكار بويه
ناديت باعبار بويه
يا فضةً اليك اسنديني
بـــأي ذنـــبٍ اســـقـــطـــوا جـــنـــيـــنـــي؟؟
داهمني صوت النايبه وهالصوت يدوي بسمعي
بالفاجعه جني اسمعت صوت المصايب ينعي
ارسم الك صفحة حزن والحبر اصبح دمعي
وهاي الصحيفة المؤلمه صورها كسر ضلعي
فكري عليك احتار بويه
انحب ليل نهار بويه
بالدمع والاشجان والحنيني
بـــأي ذنـــبٍ اســـقـــطـــوا جـــنـــيـــنـــي؟؟
يا بويه صورة لوعتي بفيض الدمع مرسومه
انا الحزينه الحايره طول العمر مظلومه
بدافع ظلم حقي انغصب ومن الفدك محرومه
طوح الموت بمهجتي والاجل قرب يومه
لا طالت الاعمار بويه
ركن الحيل انهار بويه
واضرب اليسار باليميني
بـــأي ذنـــبٍ اســـقـــطـــوا جـــنـــيـــنـــي؟؟ ********
أخذتي زهرة سنيني .. يا دنيا بعد ﮔـولي شتطلبيني .. يا دنيا
بين العبرة .. و بين الجمرة .. أجذب حسرة .. بفـﮕـد الزهرا ..
عتب بين الوصي و دنياه نسمع .. يخاطب دنيته الفارس الأنزع إذا شفت جفن عيناي يدمع .. على الزهراء أحس جـبدي تبضع
حزين و عالحزن صابر .. يا دنيا و على الهم مهجتي تكابر .. يا دنيا
شما أتألم .. لا ما أهتم .. و أنا محزم .. ﮔـللبي بصبر .. ******************************************************************************* أخذتي زهرة سنيني .. يا دنيا بعد ﮔـولي شتطلبيني .. يا دنيا
بين العبرة .. و بين الجمرة .. أجذب حسرة .. بفـﮕـد الزهرا ..
أنا الدنيا يا حيدر و عرفتني .. شبدت مني ذنوبي و حاربتني خطبت بضعة محمد و تركتني .. يا حيدر بالثلاثه طلـﮕـتني شتضن أنسى المهانه الي هنتني .. أعذبنك مثل ما عذبتني
خذت من عندك البضعة .. يا حيدر أريدك تسفح الدمعة .. يا حيدر
شما تتمنى .. ما تتهنى .. و انا اتحنى .. بدم العترة .. ******************************************************************************* أخذتي زهرة سنيني .. يا دنيا بعد ﮔـولي شتطلبيني .. يا دنيا
بين العبرة .. و بين الجمرة .. أجذب حسرة .. بفـﮕـد الزهرا ..
رضيت بقهرﭺ و هضمـﭻ يا دنياي .. إذا عندي ذنوب تحاسب وياي شلـﭻ ويا الوديعة و نور عيناي .. هاي الطاهره و أم الحسن هاي رميتيها بسهم و انشلت أعظام .. بفـﮕـد أم الحسن حلت مناياي
الوديعة يا ذنب عندها .. يا دنيا حبيب الباري والدها .. يا دنيا
عذبتها .. و عصرتها .. و ألمتها .. بذيـﭻ العصرة .. ******************************************************************************* أخذتي زهرة سنيني .. يا دنيا بعد ﮔـولي شتطلبيني .. يا دنيا
بين العبرة .. و بين الجمرة .. أجذب حسرة .. بفـﮕـد الزهرا ..
أنا الدنيا الدنيئه و دورتهم .. أخس اولادي عدوانك شفتهم بفدايا الخسة و الذله رضعتهم .. بدوافع غدر يم بابك جبتهم على دارك يا حيدر جمعتهم .. على كسر الضلع آنا الشجعتهم
بعثت لك أرذل أولادي .. يا حيدر غصبوا حـﮓ بضعة الهادي .. يا حيدر
ما رحموها .. ولا جلوها .. بل خلوها .. تظل متحيره .. ******************************************************************************* أخذتي زهرة سنيني .. يا دنيا بعد ﮔـولي شتطلبيني .. يا دنيا
بين العبرة .. و بين الجمرة .. أجذب حسرة .. بفـﮕـد الزهرا ..
أنا حيدر أنا و جوهر صفاتي .. يصبرني على جمرة نايباتي شبعد عندﭺ يا دنيا هموم هاتي .. أنا الي عالصبر مجبوله ذاتي بمصاب الزهراء ﭼـن حانت وفاتي .. أعز من فاطمة شعندي بحياتي
طفيتي شمعة عيوني .. يا دنيا أظن وافيتـﭻ ديوني .. يا دنيا
و هذا عتابي .. يهيج صوابي .. نار مصابي .. تظل مستعره .. ******************************************************************************* أخذتي زهرة سنيني .. يا دنيا بعد ﮔـولي شتطلبيني .. يا دنيا
بين العبرة .. و بين الجمرة .. أجذب حسرة .. بفـﮕـد الزهرا ..
خذلتني يا علي و جورك تعدى .. و أنا الدنيا و دليلي يفيض حقده الي ثاري و طلب لازم ترده .. الحسن إبنك أﮔـطع بيدي ﭼـبده و أروح لكربلاء بسيفي أرجده .. على التربان جسم حسين أوسده
بنينك كلها تتبضع .. يا حيدر بناتك لليسر تطلع .. يا حيدر
شبولك كلهم .. محد إلهم .. ينزف دمهم .. فوﮒ الغبره .. ******************************************************************************* أخذتي زهرة سنيني .. يا دنيا بعد ﮔـولي شتطلبيني .. يا دنيا
بين العبرة .. و بين الجمرة .. أجذب حسرة .. بفـﮕـد الزهرا .. | |
|
| |
محبة الزهراء
عدد المساهمات : 529 تاريخ التسجيل : 09/07/2008
| موضوع: رد: قصيدتين من قصائد الليالي الفاطمية الجمعة يوليو 18, 2008 11:37 pm | |
| الف شكر لك اخي
الله يحفظ لينا السيد ويطول في عمره | |
|
| |
Admin Admin
عدد المساهمات : 850 تاريخ التسجيل : 02/04/2008 العمر : 31
| موضوع: رد: قصيدتين من قصائد الليالي الفاطمية الجمعة يوليو 18, 2008 11:55 pm | |
| مشكووورة اختي على المرور الطيب وفقكي الله لكل خير | |
|
| |
الورده المهدويه..
عدد المساهمات : 490 تاريخ التسجيل : 15/07/2008
| موضوع: رد: قصيدتين من قصائد الليالي الفاطمية الجمعة يوليو 18, 2008 11:59 pm | |
| روعــــــــــــه يسلموو الله يعطيكم العااافيه ياارب ويوفقكم لخدمة اهل البيت
الورده المهدويه | |
|
| |
روح لك فدا ياحسين
عدد المساهمات : 47 تاريخ التسجيل : 05/08/2008 العمر : 30
| موضوع: رد: قصيدتين من قصائد الليالي الفاطمية الثلاثاء أغسطس 05, 2008 6:26 am | |
| الله يعطيكم العااافيه يحفظ السيد محمد باقر العلوي | |
|
| |
خادم آل البيت
عدد المساهمات : 47 تاريخ التسجيل : 16/07/2008
| موضوع: رد: قصيدتين من قصائد الليالي الفاطمية الأربعاء سبتمبر 24, 2008 6:59 pm | |
| أخونا الفاضل Admin
بارك الله فيك على تقديمك هذة القصائد الجميلة وجزاك الله كل خير . | |
|
| |
ملاك الحزن
عدد المساهمات : 6 تاريخ التسجيل : 16/02/2009
| موضوع: رد الإثنين فبراير 16, 2009 12:13 pm | |
| | |
|
| |
أبو محمد12
عدد المساهمات : 1 تاريخ التسجيل : 19/02/2010
| موضوع: رد: قصيدتين من قصائد الليالي الفاطمية الجمعة فبراير 19, 2010 8:27 am | |
| الله يعطيك الصحه والعافية في خدمة أهل البيت | |
|
| |
البنت العلويّة
عدد المساهمات : 2651 تاريخ التسجيل : 30/05/2010
| موضوع: رد: قصيدتين من قصائد الليالي الفاطمية السبت يونيو 26, 2010 8:34 am | |
| | |
|
| |
| قصيدتين من قصائد الليالي الفاطمية | |
|