كريم الحاج فليح
عدد المساهمات : 54 تاريخ التسجيل : 24/01/2009
| موضوع: افتراضي قصيدة ( تعنيــت أشـوفـك هـالمسيـه)........... الثلاثاء يناير 18, 2011 1:54 pm | |
| تعنيـ ــت أشــوفــك هـالمسيــــه
كريم الحاج فليح
ونسألكم الدعاء
جبــت مــاي وأجيتــك يالشفــه * أرَويــك أريــد بهـــاي أديـــــه
أجيت أمناليســر يـاخويـــه يَحسينــي
أريـد أروي ﭼَبـدّتك مـن دمـع عينـي
ـــــــــــــــــــــــ
يخويه عفتك إهنا عالأرض دامي * صريع ومنذبـح ومسلب وضامـي
جيت اليوم ألك متحزمـه بالامــي * ﮔوه أمشي يخويه وأنـﮔل أجـدامي
والـﮔيــود أثــرهـــا لســه بيـــه
أرويــك أريــد بهـــاي أديـــــه
أجيت أبحيرتي ياخويه وونيني * أريـد أروي ﭼبـدتك مـن دمـع عينـي
ـــــــــــــــــــــــ
خويه يا نظر عيني ويدلاليــــي * ﮔوم وشوف شنهي الي جره بحالــي
حرمه وباليسر ماعندي كل والي * بس عالزان راسك خويــه يبرالــــي
أنــاديـــه وأصـدلــه بهـالبليـــه
أرويــك أريــد بهـــاي أديـــــه
أجيتك أشتكي يا خويـه شكينــي * أريـد أروي ﭼبـدتك مـن دمـع عينـي
ـــــــــــــــــــــــ
أجيت ودمعتي بعيوني تتجـاره * أجيـت بيـا مصيبـه ولوعـه محتـاره
وينك خويه يبن الي حمه جاره * أجيتـك وبـﮔلـب مـا تنطفــي نــــاره
أجيـت ودمعتي عـالخـد جريـه
أرويــك أريــد بهـــاي أديـــــه
يخويه أمنالـﮔبـر أﮔـعلي حاﭼيني * أريـد أروي ﭼبـدتك مـن دمـع عينـي
ـــــــــــــــــــــــ
بالآهات جيتك أســأل وحســـره * أسـأل عالرضيع وعن سهم نحــره
دفانه يخويه أمنالنحـر جَــــــره * لو ضل أبمـﭼانه و وَســده بـﮔبــره
وَويـلاه يخـويـه الـهـالـرزيــــه
أرويــك أريــد بهـــاي أديـــــه
بالعشره أجيت ألطم على جبيني * أريـد أروي ﭼبـدتك مـن دمـع عينـي
ـــــــــــــــــــــــ
عالأكبر أناشد خويه ويِّ ليلــــه * جيت وعيني بالمدمع دمـه تسيلـــه
شلون إتحمل الدفان تغسيلــــــه * شلون أعليِّ ترابه مـن بـده تهيلــــه
صحت ريت يمـن ﮔـبله المنيـه
أرويــك أريــد بهـــاي أديـــــه
يالي بوحشتي أنت التسلينــي * أريـد أروي ﭼبـدتك مـن دمـع عينـي
ـــــــــــــــــــــــ
عن جسام أجيت أنشد يبو اليمه * عـالعـريس ذاك الحِنتـه أبــدمــــه
مشتاﮔـه أصيـح الكلمــة العَمــه * بـﭼلـن يسمـع ويـﮔـعـدلي وأشتمـه
مننـادي أظــن إيـــرد عليـــه
أرويــك أريــد بهـــاي أديـــه
بلـﭼـي أمنالـﮔبر يـﮔـعد يواسينـي * أريـد أروي ﭼبـدتك مـن دمـع عينـي
ـــــــــــــــــــــــ
عالعبـاس أرد أنشد يبو سكينه * عـــن الـﭼـان كافلنــه ويبـارينـه
ضلت نبلته خويه بوسط عينه * دفنـوا يَمه خـويـه يساره ويمينـه
تِعنيـــت أﮔلــــه بهــــالمسيــــه
أرويــك أريــد بهـــاي أديـــــه
يـالبيـدك ﭼنـت أنـت الترَوينـي * أريـد أروي ﭼبـدتك مـن دمـع عينـي
| |
|
خادم الحسين
عدد المساهمات : 2713 تاريخ التسجيل : 25/11/2010 العمر : 25
| موضوع: رد: افتراضي قصيدة ( تعنيــت أشـوفـك هـالمسيـه)........... الثلاثاء يناير 18, 2011 2:31 pm | |
| | |
|
ابو القاسم
عدد المساهمات : 1728 تاريخ التسجيل : 02/08/2010
| موضوع: رد: افتراضي قصيدة ( تعنيــت أشـوفـك هـالمسيـه)........... الثلاثاء يناير 18, 2011 2:50 pm | |
| يعطيك ربي الف العافية تحياااااتي ابو القاسم | |
|
فداك يحسين
عدد المساهمات : 6668 تاريخ التسجيل : 06/10/2010 الموقع : على باب الزهراء عليها السلام
| موضوع: رد: افتراضي قصيدة ( تعنيــت أشـوفـك هـالمسيـه)........... الثلاثاء يناير 18, 2011 4:12 pm | |
| يـالبيـدك ﭼنـت أنـت الترَوينـي * أريـد أروي ﭼبـدتك مـن دمـع عينـي مشكور عالقصيده ومشكور عالتواصل وي هذا المنتدى وأعضائه ــــــــــــــــــــــــــــــــــــــــــــــــــــــــــــ تحياتي ... فداك يحسين | |
|