السلام على ام المصائب زينب رحم الله من يقرا اشعارنا ويذكرنا في مجلس عزاء نسالكم الدعاء / مولاي

ا
بسم الله الرحمن الرحيم خادم أهل البيت (عمادالحاج حياوي العابدي)


يزينب عكب الحسين تنطين الوجه وين
يمظلومه يمهظومه تنطين الوجه وين
ـــــــــــــــــــــــــــــــــــــــــــــــــــــــــــــــــ

يريت العين من دم هلت المدمع يزينب بالمصايب كلبج اتلـــــــوع
تمنيت الشمس بالطف فلا تطلع ولاعينج تشوف حسين بالمصرع
وكبالــــــج وريده بسيف يتكطع يبن أمي ندبتي ولابشــــر يـــفزع
يبن أمـــــي تنادين والمدمـــــــع تهلين
يمظلـــــومه يمهظومه تنطيـــــن الوجه ويــن
***************************************************
على الوليان دم ألدمعه سجبيها عكب الحسين نيران الخيم بيها
يزينب مدري لخيامج تطفيـــها يزينب مدري لايتامج تلميـــــها
يتامه وبلرمح ظل راس واليها يتامه وياهو ظل غيرج يباريها
وليانــــــــج تفكديــــــــــن ولايتــــــامج تلمين
يمظلـــــومه يمهظومه تنطيـــــن الوجه وين
***************************************************
يريت ألطف يزينب مالفيتيــــــــها ولاضعنج كصد يوم أو وصل ليـــــــها
ضحايا جسوم فوك الغبره عفتيها وهـاي الروس فوك أرماح شفتيــــــها
يزينب وبدمع عينج تحاجيــــــــها بــــدرب الشــام وهمومج تخبريــــــها
بدمــــــوعج تحاجين وليانـــــج تخبـــرين
يمظلـــــومه يمهظومه تنطيـــــن الوجه وين
***************************************************
سبايا وروس رجعت بيد هلعسكر على النوك الهزل الأيتام والخدر
وسياط الظلم فوك المتن تسعــــر يهد الحيل هذا الحال ما ينسر
للشام اكصدت مسبيه بت حيـــدر يغصرها الحزن والعبره تتكـرر
مسبيه تروحيــــــن عكب فكد المياميـــن
يمظلـــــومه يمهظومه تنطيـــــن الوجه وين