بسمه تعالى
سلام عليكم سيدنه عساكم في خير وصحه وعافيه جيده ان شاء الله
--
--
المستهل
--
حزن بينه -- حزن بينه -- يالغايب حزن بينه
عالصادق نهل عبره -- بالسم ينختم عمره
--
يالغايب حزنّه اليله من خيّم
عله الصادق نصبنه للحزن ماتم
ودعها الحياته اللي گضت بالسم
وچبد المصطفى هاليله يتألم
رسول الله -- رسول الله -- عله امصابه رسول الله
اليله أتالم ابگبره -- باسم ينختم عمره
--
مصايبكم يبو صالح فلا تنعد
ومحّد بالمصيبه ايشاركك محّد
ولاباب الحزن والنايبه تنسد
اچبود الكم يراعي الثار تتمرّد
نار السم -- نار السم -- توذر بيها نار السم
منهن ياچبد يبره -- بالسم ينختم عنره
--
يبو صالح ندري ابدمعك المسفوح
وبگلبك يغايبنه شكثرها اجروح
تبقه امخزنه وتزيد لا متروح
عله اللي من گفاه ابكربله مذبوح
رضيعه اوياه -- رضيعه اوياه -- فده عمره رضيعه اوياه
واللي مانزف نحره -- بالسم ينختم عمره
--
ياثار الذي يبن الحسن ينعاف
كل امصاب جرحه مابعد ينراف
بني اميه وبني العباس هالاجلاف
لاعدهم ذمم لا عدهم الانصاف
جرايمهم -- جرايمهم -- تظل شاهد جرايمهم
الچبد الصادق اتغدره -- بالسم ينختم عمره
--
بني العباس ماعدهم ابد ذمه
بس اجرام واحدهم صفه همه
ياچبد الذي بحقاد متسمه
وغير اللي بسيف وحللوا دمه
ضحاياهم -- ضحاياهم -- ماتنعد ضحاياهم
بسجنه اللي گظه وحفره -- بالسم ينختم عمره
--
يالغايب الك چم عين منتظره
تبقه تنتظر لهلالك الزهره
خاطر فاطمه امك تجي اتجبره
وتاخذ ثارها البلباب والعصره
يهل يمته -- يهل يمته -- يالغايب يهل يمته
اهلالك نبقه ننتظره -- بالسم ينختم عمره
--
سيد عدنان الحمامي
الأربعاء فبراير 21, 2024 7:50 pm من طرف كبش الكتيبه#
موضوع: -- وفاة الامام الصادق ع --- طيرقة -- اعذريني -- اعذريني -- 
