كريم الحاج فليح
عدد المساهمات : 54
تاريخ التسجيل : 24/01/2009
 |  موضوع: قصيـدة (( إشوف إهلالك وأبـﭼـي )) ..........  الثلاثاء ديسمبر 15, 2009 6:33 am | |
| إشوف إهلالك وأبـﭼـي
كريم الحاج فليح
ونسألكم الدعاء
إشوف إهلالك وأبـﭼـي * يـعـاشـــــور الآلم والهــــم
وأذكر كربلـه وهمهـــا * وعيونــي تصـب مـــن دم
وبدمعاتــي أصـد بالعيـــن
لبو فاضل وأخوي حسيـن
ـــــــــــــــــــ
زينب هاي إنـه الحــره * الما بَطـَل أبــد نــــوحــي
وأذا بيـه يمـر عاشــور * تضل دم تنزف جروحــي
وبدمعة جفـن مالـــــوم * تهيــم الكربلـــه روحــــي
وأصحن كربله بعطرﭺ * هبـي ونَسِّمـي وفـوحـــــي
نسميلـــــي بعطــر ﮔبــره
حسين وأرد أشـم عطــره
إنــه البثيـابـه ليليــه * إستوحش وإضل إشتــــــم
ــــــــــــــــــــ
يهلال الحزن شتريـــد * كل ساعه وتصدلي العيــن
تذكرني بأخوي الحيـد * يمتـه آنــه نسيـت حسيــن
كـل ساعه إيتراوالـــي * دامــي معفـر الخـديــــــن
كل لحظه أشوفنــــــه * صريـع ومــا روا لمعيـن
ما أنسـه ﮔطـع نحــــره
سليب موسد الغبــــــره
وبحافر خيول إعــداه * صدره الطاهر اتهشــــم
ــــــــــــــــــــ
يهلال الألــم والشــوم * ما بيه بعد ضل حيــــل
تعال وأﮔـعـد بكتـــري * لو ﭼلـﭼل عليه الليــــل
أريد وياك هالليلـــــه * أخلصها إبـﭼـي وعويل
أريد أﮔضيها بس أنياح * ودموم الدموع تسيــــل
شـوف بـﮔلبي ﭼم عبـره
وآه بصـدري متكســره
يا ﮔلب المثل ﮔلبي * بآهات إخوته تحـــزم
ــــــــــــــــــــ
أشوفك وأذكر العباس * وأتذكر سهـم عينــــه
أخوي وﮔرة عيونـــي * كفيل العيله والينــــه
شفته أعله النهر دامي * ويلــي بكتـره ﭼفينه
وَفاي البطل عبـــاس * ضحه بروحه لحسينه
ضَحــه بعينـه والـﭼفيـــن
والهامه أصبحت نصيــن
كل ما أشوفك أتذكر * مصابه وأبـﭼـي وإتألـــم
ــــــــــــــــــــ
تذكرني برضيع حسين * وّتهَيِّــج علــيََّ النـــــوح
حين الشفته بأحضانــه * ﭼن طير بسهم مذبــوح
طفـل أمغــرﮒ بـدمــه * ويمنه ويسره راسه يلوح
إحمر صاير ﮔماطـــه * لا ضل بي نفس لاروح
ذبيـح إشـاف من عمـره
طـَـر ﮔلبـي سهــم نحـره
حيلي الهل مصيبه إحـا * أحس أبحيلـي أتهــدم
ـــــــــــــــــــ
وتدري لو تمر بيــه * يهلال الحــزن شذكـــر
تذكرني بـﭼتل جسام * ومصيبة علي الأكبــــر
تذكرني بخيمنه شلون * بنيـــران العده توجـــر
تذكرني بعليـل حسيـن * وإنــا وعيلتـــه أتيســر
علـيـل أبجيـده طـوﮒ حديـد
والكيــد الاكـــل بـالأيــــــد
وراس حسين فوﮒ الزان* وﮔبال العده إتقـــدم | |
|
ملاك
عدد المساهمات : 14
تاريخ التسجيل : 14/09/2010
| | موضوع: رد: قصيـدة (( إشوف إهلالك وأبـﭼـي )) .......... الأحد سبتمبر 19, 2010 9:21 pm | |
| [color=red]مشكور على هالقصيد هالحلوه حيل [/color ] | |
|
ابو القاسم
عدد المساهمات : 1728
تاريخ التسجيل : 02/08/2010
| | موضوع: رد: قصيـدة (( إشوف إهلالك وأبـﭼـي )) .......... الإثنين سبتمبر 20, 2010 4:24 pm | |
| يعطيك الف الف العافيه على
القصيد الحلوه
تحيااااانـ
ابو القاسمـ | |
|
محبة خادم اهل البيت (ع)
عدد المساهمات : 1814
تاريخ التسجيل : 23/04/2010
العمر : 26
الموقع : السعوديه
| | موضوع: رد: قصيـدة (( إشوف إهلالك وأبـﭼـي )) .......... الإثنين سبتمبر 20, 2010 6:42 pm | |
| يسلمووووووو عالقصيده الروووعه
والله يبلغنا زيارة ابا عبد لله {عليه السلام}
تحيااااااتي ...
محبة خادم اهل البيت {عليهم السلام} | |
|
خادم الحسين
عدد المساهمات : 2713
تاريخ التسجيل : 25/11/2010
العمر : 25
| | موضوع: رد: قصيـدة (( إشوف إهلالك وأبـﭼـي )) .......... الإثنين أبريل 25, 2011 12:27 pm | |
| يعطيك ربي الف الف العافية
| |
|
