كريم الحاج فليح
عدد المساهمات : 54
تاريخ التسجيل : 24/01/2009
 |  موضوع: قصيـدة (( حميـــده .. حميـــده ))  الأحد ديسمبر 20, 2009 5:32 am | |
| حميـــده .. حميـــده
كريم الحاج فليح
ونسألكم الدعاء
يـا لـوعتهــا ويا لهفتهــــــا * محتاره إتدور إعله اخوتها
حميـــــده * حميـــــده
محتاره إتدور إعله اخوتها * محتاره إتدور إعله اخوتها
ــــــــــــــــــــ
بـت مسلم بالطـف محتــاره * تركـض ما بيـن الظـــــلام
خـوان إثنيـن إلـهـا نفـﮕـدوا * هَـم إطفـال وهَـم وإيتـــــام
فـَروا ما تـدري بهذا البـــر * لـو شـَبَـت بيهــم لخيـــــــام
تسألمـن عنهـم وتنــاشـــــد *مفجـوعــه وتلطـم عالهـــام
دم عـالخـد إتهـــل دمعتهــا
محتاره إتدور إعله اخوتها
حميـــــده * حميـــــده
محتاره إتدور إعله اخوتها * محتاره إتدور إعله اخوتها
ـــــــــــــــــــ
ساعه تصد بالعين الزينـب * ساعه تصد للكوفــه العيـن
مـا بين الـكوفه وعلتهـــــا * وبيـن الحيـره بفـﮕد حسيـن
ياهو يرد إخوانـي تنـــادي * وين إهل الغيـره الطيبــــن
تصرخ بويه اﮔـعد يامسلـم *رد ورد لـَيِّــه الطفليــــــن
طفلـه ومشدوهـا إبلوتهــــا
محتاره إتدور إعله اخوتها
حميـــــده * حميـــــده
محتاره إتدور إعله اخوتها * محتاره إتدور إعله اخوتها
ـــــــــــــــــــ
خيـل وعـدوان بـلا رحمـه * مـاضلـت غيــره بهالـنـاس
والطفل الفـَر إبهل هيمـــه * بجـِّرد الخيـل آحـا ينــداس
شكايه عله الشاطي تعنـت * تلطم بالعشره أعله الـراس
بلـﭼـي هناك وتلـﮔـه إخوتها * بلـﭼـن دخلـوا عـد عبـــاس
من وصلت شـافـت عمتهـا
محتاره إتدور إعله اخوتها
حميـــــده * حميـــــده
محتاره إتدور إعله اخوتها * محتاره إتدور إعله اخوتها
ـــــــــــــــــــ
شافت زينـب يَـم كافلهـــا * وتصـب الدمعات دمــــــوم
ساعه تحظنه وساعه تشمه * ساعـه تـَفْزعه تريده يـﮔـوم
وتـﮔلـه مصابك دوهنــــي * قَــــرَّح دلالــي المــــالــوم
وإعظم بلـوه المَرة بيهــــا * مـن حَـزَّوا راس المظلـوم
آ يــا روحـي ويـا لـوعتهــا
محتاره إتدور إعله اخوتها
حميـــــده * حميـــــده
محتاره إتدور إعله اخوتها * محتاره إتدور إعله اخوتها
ـــــــــــــــــــ
جيتـﭺ عمه تـﮔلها بلهفـــه * مـﮔبعـه لـﮔيتـﭺ بالأحـزان
وجيت إشكي العباس همومي * شفتـه مـوسـد عـالتـربـان
يالحالـﭺ إكلـف من حالي * مفجوعـه بفــﮔـد الخــوان
واحد ﮔطعوا منه ﭼفوفــه * واحـد راسـه تعالى الزان
يـا إخـــت المثلـــﭺ حالتهــا
محتاره إتدور إعله اخوتها
حميـــــده * حميـــــده
محتاره إتدور إعله اخوتها * محتاره إتدور إعله اخوتها
ـــــــــــــــــــ
يا عمه همومـﭻ ما تنعـد * مو فـَسْـرَن حتى الجلمــــود
إيَّسْتـي منخـوانـﭺ كهلــم * محـد منهــم بعــــد يعــــود
ذاك الصابه السهم بـﭼبده * وذاك انطـر راسـه بعامـود
وإنا إبـﮔـه أتأمل خوانـي * يــا عمـه يـردولـَــيَّ ردود
وإنتـي ليالي الهَـم خاوتهــا
محتاره إتدور إعله اخوتها
حميـــــده * حميـــــده
محتاره إتدور إعله اخوتها * محتاره إتدور إعله اخوتها | |
|
خادم الحسين
عدد المساهمات : 2713
تاريخ التسجيل : 25/11/2010
العمر : 25
| | موضوع: رد: قصيـدة (( حميـــده .. حميـــده )) الثلاثاء يناير 04, 2011 3:01 pm | |
| | |
|
محبة خادم اهل البيت (ع)
عدد المساهمات : 1814
تاريخ التسجيل : 23/04/2010
العمر : 25
الموقع : السعوديه
| | موضوع: رد: قصيـدة (( حميـــده .. حميـــده )) الثلاثاء يناير 04, 2011 5:56 pm | |
| الله يعطيكم الف عافيه
بحق محمد واله
تحياتي... | |
|
ابو القاسم
عدد المساهمات : 1728
تاريخ التسجيل : 02/08/2010
| | موضوع: رد: قصيـدة (( حميـــده .. حميـــده )) الأربعاء يناير 05, 2011 11:33 am | |
| مشكوررررررررررررررة
تحياااااتي ابو القاسم | |
|
