بسمه تعالى
سلام عليكم سيدنه
--
--
--
الصادق ابسم ودع الدنيانه
وأمست الزهره عليه حزنانه
واويلاه -- واويلاه
---
آه ياچف الضغينه والغدر
چبدة الصادق ابسمها تنفطر
باچر الغدار شيقدم عذر
شينطق بهاي الجريمه السانه
واويلا -- واويلاه
--
ماخطه سهم النوايب رميته
اسموم چبد الصادق اللي گطعته
بالحزن لمصابه امست امته
وصادق القول الذي عنوانه
واويلاه -- واويلاه
--
آه هاليله بحزن كل العباد
وحزن گلب المصطفى واهل الرشاد
الصادق اغتالوه ناس اهل العناد
وانفجع لمصيبته قرآنه
واويلاه -- واويلاه
--
مارعوا حرمه لهل بيت الرسول
ناس لاعدهم ظماير لا عقول
رادوا الشرع الله والمنهج يزول
وضيعوا تعب النبي واحسانه
واويلاه -- واويلاه
--
ناس باعتها الذممها والضمير
رادوا الهل الدين مجهول المصير
وغير اهل بيت النبي ماله بديل
الدين هُمه والورع وايمانه
واويلاه -- واويلاه
--
كافحوا برواحهم جد واجتهاد
ورفضوا ايصيب الجهل كل البلاد
الصادق اعلومه علنها بالجهاد
ابچبده التگطع المنهج صانه
واويلاه -- واويلاه
--
صان منهاج الرساله بالعلم
وحتى لو روحه فداها مايهم
لچن اهل الجهل منه تنتقم
بذاك يوم الغدرته فرحانه
واويلاه -- واويلاه
--
سيد عدنان الحمامي
الأربعاء فبراير 21, 2024 7:50 pm من طرف كبش الكتيبه#
موضوع: -- نزلة عزه موشح --- لوفاة الصادق ع 
