بمصابك فجعنه---- وبغيابك ألمنه --- ياهو اليشفع انه
*************************************
ألليله مغيمه الدنيا وصفت غبره
وأملاك السمه متكبعه بألعبره
جنه ونار وحده تواسي للأخرى
شمس ونجوم طمست والكمر يبره
متحيره المله ماتعرف اليجره
لن صوت ايهدر بمصاب ابو الزهره
بمصابك فجعنه --- وبغيابك ألمنه -- ياهو اليشفع انه
**************************************
من كبلك قريش التعبد الاصنام
أله ألهم هبل ويتقبل القربان
أوعيشتهم ظلام ألأنس ويه الجان
وبنورك محمد نزل ألقران
هدايه للبشر أن اعبدوا ألرحمن
أله العالمين الواحد السلطان
وبمصابك فجعنه ---وبغيابك ألمنه --- ياهو اليشفع أنه
********************************************
من يوم الغبت عنه يهادينه
بقه القرأن حاير يدمع أبعينه
لأن رؤوس الظلاله الكل محرفينه
وسجل الينطق بأسمك امبدلينه
وبعد عيناك كلهه انكلبت اعلينه
وكلمن عنده رايه البي يمشينه
وبمصابك فجعنه -- وبغيابك ألمنه --- ياهو اليشفع انه
********************************************
بعد ماغمضت عينك يهل المختار
وصيتك حرفوها أو مو علي التختار
وكالو للوصي من عدنه خل نختار
وضلع للزهره كسرو وحركوها الدار
منهج غيروه وبدلوا الافكار
من عدهم بده المايخطر اعلى البال
وبمصابك فجعنه --- وبغيابك ألمنه -- ياهو اليشفع أنه
*************************************************
شخبرك عن عترتك اه يبو ألزهره
مصايب خلصوهه بلوعه وبجمره
منهم ماسلم اليرضع أبعمره
ومنهم بالبلاد الطافوا ابنحره
ومنهم من سبوه أو حيروا أمره
ومنه شردوه ابديرت الغربه
بمصابك فجعنه -- وبغيابك ألمنه -- ياهو اليشفع أنه
************************************************
نخبرك يامحمد ظل قرير اللعين
بقه من عترتك واحد يقر اللعين
من نسل الحسن هذا أبو الطيبين
باجر يظهر ألمهدي أويرد الدين
ينادي كربلا وينادي ثار احسين
أوياخذ ثارك أوثار الظلم هل الدين
أويمليهه عدل العالم الصوبين
وبمصابك فجعنه --- وبغيابك ألمنه --- ياهو اليشفع أنه
********************************
ونسألكم الدعاء
رياض المالكي